Երբե՛ք, ես Արարատին պետք է նայեմ Հայաստանից և միշտ-Անահիտ Խաչատրյան

Այս անհատի հետ կարող ես անվերջ խոսել, քննարկել հարցեր և լսել նրա ճիշտ և տեղին մեկնաբանված պատասխանները: Երբևէ կոչումների մասին չբարձրաձայնելով, միշտ ինքնատիպ է մնում իր տեսակի մեջ: Շփման ընթացքում պարզ ու անմիջական է, իսկ հումորին տիրապետելու մասին՝ կիմանան նրա հետ շփվողները: Այսօրվա մեր բլից հարցման հյուրն է ՀՀ ժող. վարպետ, լուսանկարիչ հայրենասեր Անահիտ Խաչատրյանը:

Նկար, որը թողել է ձեր սրտում մեծ հետք:

Այվազովսկու «9-րդ ալիքը»

Թվեք սիրո դրսևորման երեք աստիճան:

Հոգատարություն, քնքշանք, նվիրվածություն

Կյանքը լիարժեք վայելելու համար հարկավոր է...

Ամեն օրդ ապրես այնպես, կարծես դա վերջինն է:

Խոսք, բառ կամ հայացք, որով կարողանում եք սաստել դիմացինին:

Հայացք

Ձեր զենքը...

Արհամարհանք

Ասում եմ նկարիչները տեսնում են փակ աչքերով: Ձեզ մոտ ինչպե՞ս է:

Լուսանկարիչը փաստավավերագրում է ակնթարթը, իսկ գեղարվեստական տեսանկյունից՝ բաց աչքեր են պետք:

Խմիչք, ծխախոտ, թե՞ սառը զենք:

Սառը զենք )))

Սիրո խոստովանություն, որը կանենք մեզ մոտ ուղղված ձեր սիրելիին:

Մի՛ սպանեք, մի՛ կորցրեք Ձեր սերը, դուք երկրորդը էլ չեք ունենա:

Ընտանիքի հիմքում ընկած է...

Սերը, հարգանքը և փոխզիջման գնալու կարողությունը

Ժամանակը ետ տալու դեպքում ի՞նչը կփոխեիք:

Ամեն բան կսկսեի նոր՝ ավելի հասուն մտածելակերպով, սխալների ուղղումով և մասնագիտություններ ձեռք բերելու վրա ավելի շատ ժամանակ ծախսելով:

Մեկ օրով ձեզ են հանձնել նախագահի աթոռը: Ի՞նչ կանեիք այդ մեկ օրում:

Կներեք մեկ նախադասությամբ չեմ կարող: Փորձեմ ներկայացնել հակիրճ: Երբեք չեմ մտածել այդ հարցի մասին, բայց առաջինը, որ կանեի, կհավաքեի բոլոր աղբամանների մոտ սնունդ հավաքող աղքատներին, կապահովեի մաքուր կացարանով, սնունդով և ամենագլխավորը՝ աշխատանքով: Երկրորդ քայլս կլիներ այն, որ  Հանրապետության տարածքը աղբից և գարշահոտությունից մաքրելու համար ոտքի կհանեի ամբողջ հայությանը՝ անկախ պաշտոնից և լծակներից: Կկազմակերպեի շաբաթօրյակներ՝ վճարովի և կամավորական հիմունքներով, ովքեր կայրեին աղբը և կչեզոքացնեին առաջացած թափոնները, իսկ փոխարենը այս ամենից կստանայինք  բնական գազ:

Իսկ երրորդը, հրաման կարձակեի, որ մեծաքանակ ազգերի ներկայացուցիչներն իրավունք չունենան Հայաստանում տներ կամ կառույցներ գնելու: Պատմության դասերը էդպես էլ լավ չսովորեցինք: Մի՛ մոռացեք, Արևմտյան Հայաստանում  ամեն ինչ սկսվեց թուրքերին շատ տեղ տալուց՝ բազմացան և մեզ դուրս հանեցին: Այդ վտանգը միշտ էլ կա:

Օրը սկսում և ավարտում եք...

Աղոթքով

Անահիտ Խաչատրյանը ու՞մ է վստահում նեղված պահերին:

Աստծուն, հաճախ էլ իմ լավ ընկերուհիներիս:

Կետադրական նշան, որը կհամեմատեիք ձեր բնավորության հետ:

Բացականչական, երբեմն հրամայական: Սակայն, եթե կա նաև հումորի նշան, դա պարտադիր: )))

Նկարագրեք մեկ բառով. Անահիտը որպես տատիկ, մայր և դուստր ինչպիսի՞ն է:

Նվիրված բոլոր դեպքերում էլ

Նկարում պատկերված է Սուրմալու ջոկատը: Հրամանատարը Անահիտ Խաչատրյանի ամուսինն է՝ Արթուր Խաչատրյանը, իսկ  ջոկատի շտաբի պետն է՝  Արթուր Մարգարյանը՝  եղբայրը:

Անահիտը Հայաստանը կլքի միայն...ո՞ր դեպքում:

Երբե՛ք, ես Արարատին պետք է նայեմ Հայաստանից և միշտ:

Իր, որն այդպես էլ ձերը չդարձավ:

Շատ կուզենայի ունենալ ֆոտո և վիդեո նկարահանող բարձր որակի տեխնիկա, բայց դա կարծում եմ ժամանակի և մեծ ցանկության խնդիր է:

Երբ կարդացիք հարցերը ի՞նչ մտածեցիք առաջին հերթին:

Մտածեցի, որ հարցազրույց կազմողը բարձր ինտելեկտի և հումորի տիրապետող անհատ է:

Ու՞մ կցանկանայիք տեսնել մեր հաջորդ զրուցակցի աթոռին:

Իմ և բոլորիս կողմից սիրված Գրիզելդա Ամիրյանին:

Իսկ վերջում ի՞նչ կհավելեիք:

Կհավելեի, որ մեզանից յուրաքանչյուրն օրվա մեջ մեկ անգամ գոնե պետք է անրադառնա Աստվածաշնչին, ընթերցի այն, ուստի ամբողջությամբ կտոգորվի սիրով առ Աստված: Միայն այս դեպքում, երկրներում կլինի համերաշխություն, իսկ մեր մեջ՝ հանգստություն: Իսկ վերջում, շնորհակալությունս Արխա բլոգի ողջ աշխատակազմին՝ հանձինս Ձեզ Արամ ջան, որ չեք մոռանում և հիշում եք միշտ: Զգացված եմ:

Շնորհակալություն

Հարցազրույցն անցկացրեց Արամ Խաչատրյանը / ԱՐԽԱ