«Բեմի վրա՝ թռիչքի մեջ» - Մեր հյուրն է Ռիմա Բաղդասարյանը

Պարուհիները երաժշտությունը մեզ են մատուցում գեղեցիկ շարժումների միջոցով, այդ իսկ պատճառով Արխա բլոգը ցանկացավ տեղեկանալ, թե ի՞նչ է զգում պարուհի Ռիմա Բաղդասարյանը, երբ գտնվում է բեմի վրա՝ թռիչքի մեջ:

Իր, որը միշտ Ձեր պայուսակում է:

Կարմիր շրթներկ

Ինչպե՞ս եք սկսում և ավարտում օրը:

Ժպիտով

Բեմում ինչի՞ մասին եք մտածում:

Միայն այն բանի մասին, ինչի համար այդ պահին գտնվում եմ բեմում:

Զավեշտալի դեպք, որ եղել է աշխատանքի հետ կապված:

Ներկայացման մեջ այնպես էր ստացվել, որ պետք է առաստաղից իջնեի ներքև, սակայն փորձերի ժամանակ այնքան էի վախեցել և լարվել, որ սկսեցի բարձրաձայն լաց լինել: Հետագայում իհարկե այդ վախը հաղթահարելով կատարեցի հնարքներն ու հասկացա, թե ինչ գեղեցիկ կատարում էր դա և ամեն օր փորձում էի ավելի կատարելագործվել: Այսօր ընկերներով հիշում ենք այդ իրադարձությունը և բարձր ծիծաղում: / պատասխանում էր, համեստորեն ժպիտը թաքցնելով/

Կյանքում ի՞նչն եք  գնահատում մարդու մեջ և ի՞նչն եք կարևորում:

Շփման մեջ առաջնահերթությունը տալիս եմ մարդկային արժեքներին:

Ի՞նչ եք հասկանում հավատք ասելով:

Լավագույն հավատքն այն է, երբ չի դառնում կրոն:

 Ի՞նչ քայլերի պետք է դիմի տղամարդը Ձեր սիրտը գրավելու համար:

Պիտի լինի ուշադիր, սիրալիր և անկեղծ:

 Մարմնի ո՞ր հատվածը կցանկանայիք փոփոխության ենթարկել:

Փոփոխության կարիք չկա, չեմ ուզում:

Աստծուն հանդիպելիս ի՞նչ կասեիք նրան:

Կյանք նվիրելու համար շնորհակալություն կհայտնեի:

Հպա՞րտ եք, որ հայ եք: Եվ ինչու՞:

Միանգամայն հպարտ եմ: Թույլ տվեք մեջբերեմ Վահան Տերյանի խոսքերը, ով ասում էր, որ մեր երկիրը ավերված մի Հայրենիք է, որը մենք այսօր կամենում ենք կենդանացնել, որին կամենում ենք նոր կյանքի կոչել: Եվ հավելելով իր մտքին ասեմ. Էլ ո՞վ պիտի կենդանացնի ու շենացնի մեր երկիրը, եթե ոչ մենք:

Ո՞ր ֆիլմը կառանձնացնեիք և ինչու՞:

Մեծանուն պարող և բալետմաստեր Միխայիլ Բարիշնիկովի մասին նկարահանված «Սպիտակ գիշերներ»  ֆիլմը: Այնտեղ նկարագրվում է մեր՝ պարողներիս կյանքը:

Հարց, որը կցանկանայիք տեսնել մեր բլիցների մեջ:

Ի՞նչ երաժշտություն եք սիրում լսել:

Եթե ոչ պարուհի, ապա...

Նորից նույնը՝ պարուհի

Սիրելի ուտեստ, որը կարող է բարձրացնել ձեր տրամադրությունը:

Մայրաքաղաքային աղցան եմ շատ սիրում, հատկապես, երբ այն պատրաստում է մայրս:

Նեղված պահերին ու՞մ հետ եք կիսվում առաջինը:

Կա այդպիսի մեկը, սակայն չէի ցանկանա բարձրաձայնել նրա մասին:

Առաջին սիրո խոստովանությունը, երբ լսել եք, որտե՞ղ է եղել:

Համերգներից մեկի ժամանակ պարում էի, և հենց այնտեղ էլ եղավ խոստովանությունը:

Ո՞վ կամ ի՞նչը կարող է հունից հանել Ձեզ:

Ինձ հունից հանում է այն մարդը, ով սուտ է խոսում՝ ստախոսությունը կարելի է այսպես ասել: Նաև հունից դուրս եմ գալիս այն ժամանակ, երբ համերգային  աքսեսուարներս, զարդերս վերցնում են կամ տեղափոխում մեկ այլ վայր:

Երբևէ մտածե՞լ եք, որ սխալ ուղի եք ընտրել  և փորձել եք  դադարեցնել բեմական կարիերան:

Երբեք չի եղել նման իրադարձություն, հուսամ չի էլ լինի:

Ի՞նչ ստացաք այս զրույցից:

Շատ մեծ բավականություն, շնորհակալ եմ անչափ:

Եվ վերջում ի՞նչ կհավելեիք, որ կցանկանայիք բարձրաձայնվեր:

Կյանքումս միշտ շնորհակալ եմ եղել ծնողներիս, որ իմ կողքին են եղել ամեն պահի: Խոնարհումս եմ հայտնում այն բոլոր մարդկանց, ովքեր վստահեցին ինձ, հավատացին ինձ և եղան կողքիս: Բոլո՜ր, բոլորին, ովքեր իրենց թեկուզ փոքրիկ ներդրումն են ունեցել իմ կայացման գործում պիտի ասեմ. ՇՆՈՐՀԱԿԱԼՈՒԹՅՈՒՆ:

Շնորհակալ ենք նաև մենք զրույցի համար:

Հարցազրույցն անցկացրեց Արամ Խաչատրյանը / ԱՐԽԱ