Պարգևատրվել է ԱԺ փոխնախագահ Վահե Էնֆիաջյանը

ԱԺ փոխնախագահ Վահե Էնֆիաջյանն այսօր պարգևատրվել է «Լավագույն քաղաքական գործիչ» անվանակարգով, իսկ մրցանակը նրան է հանձնել «Գյուրջինյան» ընկերության տնօրեն Արփինե Գյուրջինյանը։ 
-Օրեր առաջ՝ ապրիլի 19-ին, Բաբաջանյանի անվան համերգասրահում տեղի ունեցավ «GYURJINYAN AWARDS» ամենամյա մրցանակաբաշխությունը։ Այս տարի ավելացված էր նաև քաղաքականության ոլորտը, իսկ հաղթողն ընտրվել է ինչպես կազմակերպության անդամների, այնպես էլ  ՀՀ քաղաքացիների կողմից՝ բաց քվեարկության արդյունքում։ Իսկ այսօր պատվով եմ հանձնում ՀՀ ԱԺ նախագահի տեղակալ պարոն Էնֆիաջյանի անվանակարգը, որն իր կողմից ձեռք բերված հարգանքի արդյունքն է,- մեզ հետ զրույցում նշեց Արփինե Գյուրջինյանը։