Սպարտակ Ծատուրյան - Ուշուի միջազգային կարգի մրցավար: 2018 թվականին
մասնակցել է Մոսկվայում կայացած Եվրոպայի առաջնությանը, որի շրջանակներում ստացել է
Եվրոպական մրցավարական C կարգ, և իրավունք վաստակել մրցավարել Եվրոպայի առաջնությունում։
2019 թվականին մասնակցել է ուշուի աստղերի գավաթի մրցաշարին, և ճանաչվել լավագույն
մրցավար։ 2019 թվականին մասնակցել է Եվրազիայի առաջնությանը, և արժանացել բարձր գնահատականի
միջազգային մրցավարական խորհրդի կողմից։ 2020 թվականին նշանակվել է Հայաստանի Ավանդական
ուշուի ֆեդերացիայի մրցավարական խորհրդի նախագահ։ Մրցավարել է այնպիսի մրցաշարերում,
ինչպիսիք են` MFC, GFC, TORNADO, OFC և մի շարք հեղինակավոր մրցաշարերում։ 2020 թվականին
լինելով 44 օրյա պատերազմի մասնակից, առողջական խնդիրների պատճառով 2 տարի դադարից
հետո վերսկսել է աշխատանքը։ 2023 թվականին մասնակցել է Եգիպտոսում անցկացվող ուշուի
միջազգային որակավորման քննություններին, և սանդա ոճում դարձել տարածաշրջանի միակ միջազգային
կարգի մրցավար։ 2023 թվականին թուրքիայում մասնակցել է Եվրոպայի առաջնությանը, և ճանաչվել
մրցաշարի լավագույն մրցավար, ստանալով մրցավարների և մարզիչների ձայների բացարձակ մեծամասնությունը։
Մինչ այսօր ղեկավարում է Հայաստանի ավանդական ուշուի ֆեդերացիայի մրցավարական խորհուրդը։
Комментарии
Отправить комментарий